Viðburðir

Í dag er Þingmannavegur vinsæl gönguleið. Lengd hans er um 11 km og er hækkunin um 600 metrar þegar gengið er austur yfir en töluvert lægri ef gengið er vestur yfir. Þetta er því þægileg dagleið og fjölmargir hlaupa- og útivistarhópar leggja leið sína um veginn í dag.

Í tilefni Menningarminjadaga Evrópu, birtir Ljósmyndasafn Reykjavíkur eina mynd á dag á samfélagsmiðlum frá 14. - 21. september, sem tengist þema ársins: leiðir, samskipti og tengingar.

Verið velkomin á skemmtilega og ókeypis landnámssmiðju fyrir börn og fjölskyldur þeirra helgina 21. - 22. september.

Laugardaginn 21. september gefst einstakt tækifæri til að skoða eitt af varðveisluhúsum Borgarsögusafns á Esjumelum. Farið verður í tvær ferðir yfir daginn og lagt verður af stað með rútu frá Árbæjarsafni kl. 13:00 og 15:00. Athugið að skráning er nauðsynleg þar sem að sætafjöldi er takmarkaður.

Þura - Þuríður Sigurðardóttir, söng- og myndlistarkona, sem fædd er og uppalin í Laugarnesbænum, leiðir göngu um Laugarnesið og lýsir hvernig það var að alast upp í „sveit í borg“ á þeim sögufræga stað, sem Laugarnesið er. Gengið verður frá Listasafni Sigurjóns Ólafssonar, Laugarnestanga 70, kl 17:00

Verið velkomin í fría leiðsögn um fornu þjóðleiðina í nágrenni Árbæjarsafns laugardaginn 28. september kl. 14.