Starfsstöðvar og minjasvæði
Minjasvæði
Landinu er skipt í átta minjasvæði. Á hverju minjasvæði er ein starfsstöð, að Vestfjörðum og Reykjanesskaga undanskildum en þar eru ekki starfsstöðvar. Minjaverðir starfa hver á sínu minjasvæði og eru því megintengiliðir við íbúa svæðisins og aðra hagsmunaaðila. Aðalskrifstofa Minjastofnunar er á Suðurgötu 39 í Reykjavík. Á aðalskrifstofu stofnunarinnar starfar þorri starfsmanna, en einn til tveir starfsmenn eru á starfsstöðvum á öðrum minjasvæðum.
Höfuðstöðvar Minjastofnunar Íslands eru á Suðurgötu 39, 101 Reykjavík.
Skrifstofan er opin frá kl. 9 til 12 og 13 til 15 alla virka daga.
Minjaráð
Minjaráð eru samráðsvettvangur um varðveislu og nýtingu menningarminja á hverju minjasvæði. Minjaráð beita sér fyrir verkefnum á sviði minjavörslu, til eflingar byggðar og atvinnusköpunar meðal annars með ályktunum sem beint er til sveitarstjórna eða annarra þar til bærra stjórnvalda. Minjaráð hefur frumkvæði að uppbyggilegum verkefnum í héraði og getur boðið gestum á fundi, til samræðu og samráðs eða sérfræðingum til kynninga og fyrirlestrahalds, t.d. á sviði skipulagsmála eða húsverndar. Minjaráð geta einnig farið í vettvangsferðir og skoðað minjar og staði á svæðinu.
Hvert minjaráð skipta fimm fulltrúar og er minjavörður svæðisins þar með talinn, en hann er formaður síns ráðs. Auk aðalmannanna eru jafn margir varamenn. Fulltrúarnir eru skipaðir til fjögurra ára í senn af þremur aðilum: samband sveitarfélaga á minjasvæðinu tilnefnir tvo fulltrúa, Safnaráð tilnefnir tvo og Minjastofnun Íslands tilnefnir fjóra. Fundir minjaráða eru haldnir a.m.k. fjórum sinnum á ári og eru fundargerðir birtar á heimasíðu Minjastofnunar Íslands. Það er lögbundið hlutverk hvers minjavarðar að stýra fundum minjaráðs innan síns minjasvæðis. Auk þess heldur minjavörður uppi upplýsingaflæði og samskiptum við aðra fulltrúa, getur hjálpað til við að þróa verkefni og ýta þeim úr vör.
Reglugerð um minjasvæði og minjaráð
344/2022
Reglugerð um minjasvæði og minjaráð.
1. gr.
Íslandi er skipt í átta minjasvæði: Reykjavík og nágrenni, Reykjanes, Vesturland, Vestfirði, Norðurland
vestra, Norðurland eystra, Austurland og Suðurland. Minjasvæðin skiptast nánar sem hér segir:
1. Minjasvæði Reykjavíkur og nágrennis: Kjósarhreppur, Kópavogsbær, Mosfellsbær, Reykjavíkurborg og Seltjarnarnesbær.
2. Minjasvæði Reykjaness: Grindavíkurbær, Reykjanesbær, Suðurnesjabær, Sveitarfélagið Vogar, Garðabær og Hafnarfjarðarkaupstaður.
3. Minjasvæði Vesturlands: Akraneskaupstaður, Borgarbyggð, Dalabyggð, Eyja- og Miklaholtshreppur, Grundarfjarðarbær, Helgafellssveit, Hvalfjarðarsveit, Skorradalshreppur, Snæfellsbær og Stykkishólmsbær.
4. Minjasvæði Vestfjarða: Árneshreppur, Bolungarvíkurkaupstaður, Ísafjarðarbær, Kaldrananeshreppur, Reykhólahreppur, Strandabyggð, Súðavíkurhreppur, Tálknafjarðarhreppur og Vesturbyggð.
5. Norðurland vestra: Akrahreppur, Blönduósbær, Húnavatnshreppur, Húnaþing vestra, Sveitarfélagið Skagaströnd, Skagabyggð og Sveitarfélagið Skagafjörður.
6. Minjasvæði Norðurlands eystra: Akureyrarbær, Dalvíkurbyggð, Eyjafjarðarsveit, Fjallabyggð, Langanesbyggð, Grýtubakkahreppur, Hörgársveit, Norðurþing, Skútustaðahreppur, Svalbarðshreppur,
Svalbarðsstrandarhreppur, Tjörneshreppur og Þingeyjarsveit.
7. Fjarðabyggð, Fljótsdalshreppur, Múlaþing, Sveitarfélagið Hornafjörður og Vopnafjarðarhreppur.
Minjasvæði Austurlands:
8. Minjasvæði Suðurlands: Ásahreppur, Bláskógabyggð, Flóahreppur, Grímsnes- og Grafningshreppur, Hrunamannahreppur, Hveragerðisbær, Mýrdalshreppur, Rangárþing eystra, Rangárþing ytra, Skaftárhreppur, Skeiða- og Gnúpverjahreppur, Sveitarfélagið Árborg, Sveitarfélagið Ölfus og Vestmannaeyjabær.
2. gr.
Minjastofnun Íslands skipar í minjaráð á hverju minjasvæðanna átta til fjögurra ára í senn. Minjavörður
svæðisins veitir ráðinu forystu og sitja auk hans fjórir fulltrúar. Samband sveitarfélaga á minjasvæðinu
tilnefnir einn aðalfulltrúa og annan til vara. Þar sem tvö eða fleiri sambönd eru innan minjasvæðis skulu þau
sammælast um tilnefningu fulltrúa. Safnaráð tilnefnir einn aðalfulltrúa og annan til vara. Þeir skulu valdir úr
hópi forstöðumanna menningarminjasafna eða menningarstofnana á svæðinu og Minjastofnun Íslands
tilnefnir tvo hagsmunaaðila af minjasvæðinu sem aðalfulltrúa og tvo til vara. Leitast skal við að dreifing
fulltrúa í minjaráði spegli víðáttu svæðisins.
3. gr.
Minjaráð er samráðsvettvangur um varðveislu og nýtingu minja á svæðinu í þágu samfélagsins. Það veitir
Minjastofnun Íslands stuðning og myndar bakland stofnunarinnar í héraði. Minjaráð skal beita sér fyrir
verkefnum á sviði minjavörslu, til eflingar byggðar og atvinnusköpunar á minjasvæðinu. Minjaráð fjallar
einnig um varðveislu menningarminja sem heyra til safna og nýtingu þeirra í þágu samfélagsins og tekur þátt
í stefnumótun um minjavernd og rannsóknir.
Nr. 344/2022 Útgáfa í gildi frá 22. mars 2022 (Dags. skjals 30. mars 2022)
https://files.reglugerd.is/pdf/0344-2022/current Bls. 2 af 2
4. gr.
Minjaráð getur boðið gestum á fundi, til samræðu og samráðs eða sérfræðingum til kynninga og
fyrirlestrahalds. Fundi minjaráða skal halda eftir því sem nauðsynlegt er talið, þó eigi sjaldnar en tvisvar á
ári. Til funda skal boðað með minnst tveggja vikna fyrirvara. Kostnaður vegna funda skal greiddur af
Minjastofnun Íslands, þar undir fellur: ferðakostnaður, fundaraðstaða, veitingar, vettvangsferðir og
fyrirlestrahald.
5. gr.
Reglugerð þessi er sett samkvæmt 10. gr. laga um menningarminjar, nr. 80/2012, með síðari breytingum og
öðlast þegar gildi.
Umhverfis-, orku- og loftslagsráðuneytinu, 7. mars 2022.
Guðlaugur Þór Þórðarson.
Sigríður Auður Arnardóttir.
Fyrirvari
Reglugerðir eru birtar í B-deild Stjórnartíðinda skv. 3. gr. laga um Stjórnartíðindi og Lögbirtingablað, nr. 15/2005, sbr. reglugerð um útgáfu
Stjórnartíðinda nr. 958/2005.
Sé misræmi milli þess texta sem birtist hér í safninu og þess sem birtur er í útgáfu B-deildar Stjórnartíðinda skal sá síðarnefndi ráða.