Fréttir

Ársfundur Minjastofnunar Íslands Að uppgrefti loknum: miðlun og nýting minjastaða verður haldinn í lestrarsalnum í Safnahúsinu, Hverfisgötu 15 í Reykjavík fimmtudaginn 28. nóvember kl. 13:00.

Guðlaugur Þór Þórðarson, umhverfis-, orku- og loftlagsráðherra, undirritaði friðlýsingu Alþingisgarðsins þann 18. nóvember síðastliðinn. Alþingisgarðurinn við Kirkjustræti 14 í Reykjavík er elsti og best varðveitti almenningsgarður við opinbera byggingu á Íslandi. Hann markar tímamót í íslenskri garðsögu þar sem hann er fyrsti garðurinn sem var hannaður áður en framkvæmdir við hann hófust.

Opnað hefur verið fyrir umsóknir í fornminjasjóð fyrir árið 2025. Umsóknarfrestur er til og með 15. janúar 2025.

Dr. Rúnar Leifsson var skipaður í embætti forstöðumanns Minjastofnunar Íslands á dögunum. Hann var skipaður af Guðlaugi Þór Þórðarsyni, umhverfis - orku- og loftlagsráðherra næstu fimm árin. 

Á fundinum var rætt um starfsemi stofnunarinnar, menningarminjar á Íslandi, rekstur og viðhald minjastaða, fjármögnun fornleifarannsókna á Íslandi og í Frakklandi.

Minjavarslan í Póllandi tók vel á móti starfsfólki Minjastofnunar Íslands í Varsjá í síðustu viku með þéttri dagskrá dagana 9. - 13. október. Starfsfólk fékk kynningu á starfsemi minjavörslunar í Póllandi, Narodowy Instytut Dziedzictwa (NID), þar sem sérfræðingar stofnunarinnar sögðu frá helstu verkefnum og áskorunum.

Minjastofnun Íslands auglýsir eftir umsóknum um styrki úr húsafriðunarsjóði fyrir árið 2025. Umsóknarfrestur er til og með 1. desember 2024 og stefnt er að því að úthlutun liggi fyrir eigi síðar en 15. mars 2025.

Vinsamlegast athugið að vegna tæknilegra örðugleika verður ekki opnað fyrir umsóknir í húsafriðunarsjóð fyrir árið 2025 í dag, 15. október. Áætlað er að opnað verði fyrir umsóknir síðar í þessari viku.

Menningarminjadagar Evrópu 2024 fóru fram í september síðastliðnum þar sem þema ársins var leiðir, samskipti og tengingar. Alls tóku sjö skipuleggjendur þátt sem voru samanlagt með 14 viðburði er dreifðust yfir mánuðinn. Skipuleggjendur voru Borgarsögusafn Reykjavíkur, Elliðaárstöð, Kirkjugarðar Reykjavíkur, Samband íslenskra listamanna, Skálholt, Skriðuklaustur og Þura – Þuríður Sigurðardóttir, söng- og myndlistarkona.