Í Minjavefsjánni er að finna upplýsingar um menningarminjar á Íslandi.
Smellið á Íslandskortið til að fara beint inn á Minjavefsjánna.
Athugið að í Minjavefsjánni er ekki tæmandi listi yfir friðaðar og friðlýstar minjar.
Menningarminjadagar Evrópu eru haldnir ár hvert í þeim 46 löndum sem hlut eiga að Menningarsáttmála Evrópu. Árið 1985 fóru fyrstu menningarminjadagarnir fram að frumkvæði Evrópuráðsins og árið 1999 hófst samstarf við Evrópusambandið. Dagarnir hafa farið fram á hverju ári síðan með því markmiði að vekja athygli og áhuga á ríkri og fjölbreyttri menningu þeirra samfélaga sem byggja álfuna. Á Íslandi eru dagarnir almennt haldnir í september með viðburðahaldi af ýmsu tagi.
Á þessari síðu má finna áhugavert efni af ýmsum toga um menningarminjar sem Minjastofnun Íslands hefur staðið fyrir, svo sem myndbönd, jóladagatal, minjar mánaðarins og annað útgefið efni.
